De centenats de milièrs de personas, 1 800 000 segon de donadas de la polícia, dessenhèron un drapèl catalan d'11 quilomètres en forma d'una granda V a Barcelona (imatges,vidèos). Los manifestants demandèron l'independéncia de Catalonha e de poder votar lo 9 de novembre que ven, qu'a aquela data lo govèrn catalan a convocat un referendum per l'independéncia de Catalonha; mas l'estat espanhòl lo vòl empedir.
Darrièr lo lèma "9 de novembre, votarem e ganharem", las presidentas de las associacions civilas Òmnium Cultural e Assemblada Nacionala Catalana demandèron als elegits catalans de coratge per plaçar las urnas, e mai s'Espanha o permet pas.
Qualques collectius occitanistas coma Iniciativa per Occitània, lo Partit Occitan e País Nòstre jonguèron la crida de la seccion aranesa ANC de la Val d'Aran en s'amassant al tròç numèro 30 de la manifestacion.
L'11 de setembre, los catalans se remembran de la casuda de Barcelona en 1714 davant las tropas borbonosas. Lo País Valencian casèt en 1707 e Malhòrca en 1716. Aquela desfacha representèt la fin de las institucions catalanas e la castelhanizacion del país.
Acamp solidari a Tolosa
A Tolosa, qualques desenats de personas se son acampadas a la meteissa ora sus la Plaça del Capitòli en sostenent la manifestacion que se debanava a Barcelona.
Contramanifestacion espanholista a Tarragona
De lor costat, qualques milièrs de partisans que vòlon far téner Catalonha dins Espanha s'acampèron a Tarragona dins un acte convocat per l'associacion nomenada Societat Civila Catalana. L'acte a comptat amb la participacion de representants del Partit Popular, de Ciutadans e de qualques petits partits d'ultradrecha. De representants del Partit Socialista an participat a las doas manifestacions.
Darrièr lo lèma "9 de novembre, votarem e ganharem", las presidentas de las associacions civilas Òmnium Cultural e Assemblada Nacionala Catalana demandèron als elegits catalans de coratge per plaçar las urnas, e mai s'Espanha o permet pas.
Qualques collectius occitanistas coma Iniciativa per Occitània, lo Partit Occitan e País Nòstre jonguèron la crida de la seccion aranesa ANC de la Val d'Aran en s'amassant al tròç numèro 30 de la manifestacion.
L'11 de setembre, los catalans se remembran de la casuda de Barcelona en 1714 davant las tropas borbonosas. Lo País Valencian casèt en 1707 e Malhòrca en 1716. Aquela desfacha representèt la fin de las institucions catalanas e la castelhanizacion del país.
Acamp solidari a Tolosa
A Tolosa, qualques desenats de personas se son acampadas a la meteissa ora sus la Plaça del Capitòli en sostenent la manifestacion que se debanava a Barcelona.
Contramanifestacion espanholista a Tarragona
De lor costat, qualques milièrs de partisans que vòlon far téner Catalonha dins Espanha s'acampèron a Tarragona dins un acte convocat per l'associacion nomenada Societat Civila Catalana. L'acte a comptat amb la participacion de representants del Partit Popular, de Ciutadans e de qualques petits partits d'ultradrecha. De representants del Partit Socialista an participat a las doas manifestacions.
No comments:
Post a Comment